અંબા અભય પદ દાયિની રે…
શ્યામા સાંભળજો સાદ ભીડ ભંજની,
અંબા અભય પદ દાયિની રે…
★
હેમ હિંડોળે હિંચકે રે,
હીંચે આરાશુરી માત ભીડ ભંજની,
અંબા અભય પદ દાયિની રે…
★
સંખીઓ સંગાથે કરે ગોઠડી,
આવે આઠમ ની રાત ભીડ ભંજની,
અંબા અભય પદ દાયિની રે…
★
સર્વે આરાશુર ચોક માં રે,
આવો તો રમીએ રાસ ભીડ ભંજની,
અંબા અભય પદ દાયિની રે…
★
એવે સમે આકાશ થી રે,
આવ્યો કરુણ પોકાર ભીડ ભંજની,
અંબા અભય પદ દાયિની રે…
★
કોણે બોલાવી મુજને રે,
કોણે કર્યો મને સાદ ભીડ ભંજની,
અંબા અભય પદ દાયિની રે…
★
મધ દરિયો તોફાન માં,
માડી ડૂબે મારું વહાણ ભીડ ભંજની,
અંબા અભય પદ દાયિની રે…
★
વાયુ ભયંકર ફૂંકતો રે,
વેરી થયો વરસાદ ભીડ ભંજની,
અંબા અભય પદ દાયિની રે…
★
પાણી ભરાણા વહાણ માં રે,
એ કેમ કાઢ્યા જાય ભીડ ભંજની,
અંબા અભય પદ દાયિની રે…
★
આશા ભર્યો હું આવીયો રે,
વહાલા જોતા હશે વાટ ભીડ ભંજની,
અંબા અભય પદ દાયિની રે…
★
હૈયું રહે નહિ હાથ માં રે,
દરિયે વાળ્યો દાટ ભીડ ભંજની,
અંબા અભય પદ દાયિની રે…
★
મારે તમારો આશરો રે,
ધાઓ ધાઓ મમ માત ભીડ ભંજની,
અંબા અભય પદ દાયિની રે…
★
અંબા હિંડોળે થી ઉઠયા રે,
ઉઠયા આરાશુરી માત ભીડ ભંજની,
અંબા અભય પદ દાયિની રે…
★
સખીઓ તે લાગી પુછવા રે,
ક્યાં કીધા પરિયાણ ભીડ ભંજની,
અંબા અભય પદ દાયિની રે…
★
વાત વધુ પછી પુછજો રે,
બાળ મારો ગભરાય ભીડ ભંજની,
અંબા અભય પદ દાયિની રે…
★
ભક્ત મારો ભીડે પડ્યો રે,
હું થી એ કેમ સેહવાય ભીડ ભંજની,
અંબા અભય પદ દાયિની રે…
★
એમ કહી નારાયાણી રે,
સિંહે થયા અસ્વાર ભીડ ભંજની,
અંબા અભય પદ દાયિની રે…
★
ત્રિશુલ લીધું હાથ માં રે,
તાર્યું વણીકનું વહાણ ભીડ ભંજની,
અંબા અભય પદ દાયિની રે…
★
ધન્ય જનેતા આપને રે,
ધન્ય દયાના નિધાન ભીડ ભંજની,
અંબા અભય પદ દાયિની રે…
★
પ્રગટ પરચો આપનો રે,
દયા કલ્યાણ કોઈ ગાય ભીડ ભંજની,
અંબા અભય પદ દાયિની રે…
★
બધી તેની ભાંગજો રે,
સમયે કરજો સહાય ભીડ ભંજની,
અંબા અભય પદ દાયિની રે…
★પરબત ગોરીયા★
No comments:
Post a Comment